स्मरण दिवस | स्यान्डहर्स्ट टाउन काउन्सिल
स्यान्डहर्स्ट नेपाली कम्युनिटीको सहभागिता
स्यान्डहर्स्ट टाउन काउन्सिलद्वारा आयोजना गरिएको स्मरण दिवस (Remembrance Day) कार्यक्रम आइतबार, ९ नोभेम्बर २०२५ मा सम्पन्न भयो। उक्त कार्यक्रममा स्यान्डहर्स्ट नेपाली कम्युनिटीका सदस्यहरूले गर्वका साथ सहभागिता जनाएका थिए।
कार्यक्रममा स्थानीय बासिन्दा, नगर पार्षदहरू तथा विभिन्न संघ–संस्थाका प्रतिनिधिहरूसँगै सहभागी भई देशको सेवामा सर्वोच्च बलिदान दिने वीर शहीदहरूप्रति श्रद्धाञ्जली अर्पण गरियो। स्यान्डहर्स्ट नेपाली कम्युनिटीको तर्फबाट संस्थाका अध्यक्ष श्री जुरेन्द्र खजुम तथा जेष्ठ नागरिकको प्रतिनिधित्व गर्दै श्री ओम थापा ज्यूले पुष्प अर्पण गरी सम्मान प्रकट गर्नुभयो।
उक्त कार्यक्रम एकता, स्मरण र कृतज्ञताको भावनालाई प्रतिबिम्बित गर्ने महत्वपूर्ण अवसरका रूपमा सम्पन्न भयो। यस्ता मूल्यहरू नेपाली तथा गोर्खा समुदायको इतिहास, संस्कार र सेवाभावसँग गहिरो रूपमा जोडिएका छन्। स्यान्डहर्स्ट नेपाली कम्युनिटी भविष्यमा पनि यस्ता नागरिक तथा स्मरणात्मक कार्यक्रमहरूमा निरन्तर सहभागिता जनाउँदै स्थानीय निकायहरूसँग सहकार्य गर्दै जाने प्रतिबद्धता व्यक्त गर्दछ।
